Avokado əzməsi resepti

Tərkibi:
2 ədəd avokado
2 yemək qaşığı krem pendir
1 yemək qaşığı ricotta pendiri
Kiçik bir parça qırmızı soğan (İncə qıyılmış)
15 damcı limonun suyu
Duz,
istiot
rəndə parmesan pendiri
Zeytun yağı

Hazırlanması:
Avokadonu ikiyə kəsin, qabıqlarını soyun. Yanmaz tavada kəsik yerləri altda qalacaq şəkildə 5 dəqiqə orta odda qızardın, çevirməyin, sadəcə, bir üzü qızarsın.
Avokadolarla birlikdə ricotta pendirini, limon suyunu blender-dən keçirin. Bir qaba alıb soğan, duz, istiot və krem pendiri əlavə edin. Qarışdırıb servis qabına alın. Üzərinə parmesan pendiri rəndəsi səpib süfrəyə verin.

Nuş olsun!