Bilməniz gərəkən 7 xəmir növü - blinçik xəmiri resepti

Blinçik hazırlayan zaman ürəyiniz istəyən içlikdən istifadə edə bilərsiniz. Əsas odur ki, blinçik xəmirini düzgün etməyi bacarasınız. Bunun üçün aşağıdakıları bilməniz kifayətdir.
-Xəmiri hazırlamamışdan əvvəl unu ələyin
- Mütləq təzə yumurtadan istifadə edin
-Əvvəlcə duru ərzaqları qarışdırın,sonra unu əlavə edin
-Duru yağı xəmirə lap axırda əlavə edin
-Xəmiri çox çalmayın
- Xəmir çox duru olduqda tavaya yapışır, qatı olduqda isə blinçiklər qalın çorək kimi alınır

Tərkibi:
Un – apardığı qədər
Yumurta –1 ədəd
Süd – 2 st
Su – 1 st
Şəkər – 1 x/q
Duru yağ – 2 xq
Soda – 0,5 ç/q
Duz

Hazırlanması:
Bütün duru ərzaqları qarışdırın. Unu ələyib sodanı əlavə edin və duru qarışıma əlavə edib çalın. Xəmiri yaxşı, amma çox olmamaq şərti ilə çalın. Tavanı yaxşı qızdırıb blinçikləri bişirin.

Nuş olsun!