Balqabaq deserti resepti

Tərkibi:
Balqabaq - 1 kq
Şəkər tozu - 300 qr
Sulu qaymaq 33% - 200 qr
Bal - 200 qr (və ya hər hansısa mürəbbə şirəsi)
Vanil - 1 paçka
Badam - 100 qr

Hazırlanması:
Balqabagi soyub təmizləyirik ,kubik şəklində doğrayıb bir listə qoyuruq. Üstünə şəkər tozu əlavə edib soyuducuda +4°C ən az 5 saat saxlayırıq. Sonra həmin listdə 200°C sobada yumuşalanadək bişiririk. ( Diqqət etmək lazımdır ki üstü çox qaralmasın). Badam qovrulur və xırda şəkildə doğranır. Üstünün sousu üçün Kənarda qaymağı balaca qazana əlavə edib bal ilə bir yerdə qaynadırıq və vanil tozunu əlavə edib az xodda asta asta bişiririk . Qaynayan kimi kənara çəkib soyuduruq. Balqabaq istənilən şəkildə servis oluna bilər. Üstünə sous töküb və qovrulmuş badam səpərək servis edin.

Nuş olsun!