Qat - qat xəmirli tartaletlər resepti

Tərkibi:
Kərə yağı – 60 q
Toyuq filesi – 400 q
Göbələk – 400 q
Pomidor – 500 q
Holland pendiri – 70 q
Qat-qat xəmir – 400 q

Hazırlanması:
İlk əvvəl göbələkləri 4/1 formada doğrayıb, orta hərarətli odda kərə yağı ilə üstü qızarana qədər bişirin. Daha sonra toyuq filesini kiçik dördbucaqlar şəklində doğrayıb, kərə yağında yüngülcə qızardın. Qat-qat xəmiri tartaletlər üçün olan formaların içərisinə yerləşdirin. Pomidorlarınızı 4 hissəyə bölüb və holland pendirini sürtgəcdən keçirdərək, qızartığınız göbələk və file ilə birgə xəmirinizin üzərinə əlavə edin. Sobanızı 200 dərəcəyə qədər isidib, tartaletlərinizi 20 dəqiqə ərzində bişirə bilərsiniz.

Nuş olsun!