Dadlı, ləzzətli gavalı salatı resepti

Tərkibi:
kartof,
yumurta,
kök,
gavalı,
qoz,
toyuq əti,
holland pendiri,
xama, mayonez,
duz, istiot

Hazırlanması:
Gavalını əvvəldən suya qoyub, yumuşaldırıq. Kağız salfetlə durudub, xırda və nazik formada doğrayırıq. Kartof, kök, yumurta və toyuq ətini suda bişiririk. Toyuq ətini əlimlə didirik. Tərəvəzləri sıra ilə sürtgəcdən keçirib, duz, istiot səpirik və üzərinə mayonez-xama çəkərək qat-qat yerləşdiririk. Zövqə görə xırda doğranmış qoz da vura bilərsiniz. Son olaraq holland pendirini sürtgəcdən keçirib, salatımızın üzərinə əlavə edirik. 3-4 saat soyuducuda saxladıqdan sonra süfrəyə verə bilərsiniz.

Nuş olsun!