Pəhriz salatı resepti

Tərkibi:
Alma- 1 ədəd
Pomidor- 1 ədəd
Xiyar- 1 ədəd
Qara zeytun ( tumsuz)- 100 qr
İspanaq, cəfəri- ¼ dəstə

Sous üçün:
Portağal- 1 ədəd
Limon- 0,5 ədəd
Zeytun yağı- 2 x.q
Duz
Qırmızı pul bibər

Hazırlanması:
Alma sürtgəcdən keçirilir, üzərinə 5-6 damcı limon suyu əlavə edilir ( qaralmaması üçün). Pomidor, xiyar, zeytun zövqə görə doğranılır. İspanağın üzərinə qaynar su əlavə edilir, 5 dəqiqə saxlanılır və suyu süzülüb cəfəri ilə birlikdə xırda-xırda doğranılır.

Sousun hazırlanması:
Portağalın və limonun suyu sıxılır, üzərinə zeytun yağı, duz və pul bibər əlavə edilir, qarışdırılır.

Bütün ərzaqlar qarışdırılır, üzərinə sous gəzdirilib süfrəyə verilir.

Nuş olsun!