Ev üsulu lahmacun resepti

Tərkibi:
Xəmir üçün:
250 qr un,
1.5 st su,
1 ç.q. quru maya,
1 ç.q. duz

İçlik üçün:
200 qr qiymə,
2 ədəd pomidor,
1 ədəd baş soğan (böyük),
2 ədəd yaşıl bibər,
yarım dəstə cəfəri,
4 diş sarımsaq,
1.5 ç.q. tamat

Hazırlanması:
Xəmir üçün bir qabda unu əliyirik və üzərinə maya, duz əlavə edirik. Az miqdarda suya zeytun yağı əlavə edərək, unun üzərinə tökürük. Yumuşaq, ələ yapışmayan xəmir yoğururuq. Xəmiri acıması üçün üzərini bağlayıb isti yerdə 1-1.5 saat gözlədirik.
İçliyi hazırlamaq üçün bibər, pomidor, soğan, cəfəri və sarımsağı xırdadoğrayan aparatdan keçirdirik. Bu qarışımı və tomatı qiymənin üzərinə əlavə edib, əlimizlə yoğururuq.
Xəmir hazır olduqdan sonra eyni ölçülü kündələr tutub, nazik yayırıq. Üzərinə hazırladığımız içlikdən qoyub, hər tərəfinə bərabər miqrada yayırıq. Əvvəlcədən qızdırılmış sobada kənarları yüngül qızarana kimi bişiririk.

Nuş olsun!