Pomidor supu resepti

Tərkibi:
6 ədəd pomidor
2 x.q əridilmiş kərə yağı
1 x.q dolu un
4 st su
1 st süd
Duz
Istiot
Üstünə səpmək üçün pendir və suxari

Hazırlanması:
Pomidorları yuyub qabığını soyub blenderdən keçiririk. Yağı qazana töküb əridirik. Yağ qızdıqda unu əlavə edib 1-2 dəqiqə qovururuq. Sonra pomidoru əlavə edirik. 5-10 dəqiqə qaynadıqdan sonra südü də əlavə edirik və 3 dəqiqə sonra suyu töküb qarışdırıb bişiririk. (Təxminən 15-20 dəqiqəyə yemək hazır olacaq.) Yemək hazır olmağa az qalmış duz və istiotunu da tökürük. Yeməyi süfrəyə verərkən sürtgəcdən keçirilmiş pendiri və suxarini üstünə səpirik.

Nuş olsun!