Suxarikli ət resepti

Tərkibi:
300 qr ət (sümüksüz),
200 qr suxarik,
2 ədəd baş soğan (orta ölçülü),
1 st bulyon,
duz, istiot, sarıkök

Hazırlanması:
Əvvəlcə əti xırda kublar şəklində doğrayıb, qaynadırıq. Soğanı “samanvari” doğrayıb, yağda qovururuq. Üzərinə bulyonunu süzdüyümüz əti əlavə edib, birlikdə 5-7 dəqiqə qovururuq. Son olaraq suxarikləri əlavə edirik və ətin bulyonundan az-az götürüb üzərində gəzdirərək tökürük. Duz, istiot və sarıkök əlavə edib, 7-10 dəqiqə bişdikdən sonra ocaqdan götürürük. İstəyə görə düyü, kartof qızartması və ya qarabaşaqla birlikdə süfrəyə verə bilərsiniz.

Nuş olsun!