Reyhan şərbəti resepti

Tərkibi:
Reyhan – 1 dəstə
Şəkər – 1 st.
Limon duzu – ½ ç.q.
Mixək – 6 ədəd
Çubuq darçın – 2 ədəd
Qaynar su – 5 st.

Hazırlanması:
Reyhanı təmizləyib yaxşıca yuyun, qoyun kənarda suyu süzülsün. Bir qazanda mixək, darçın, limon duzu, şəkər və qaynar su şəkər əriyənə qədər qarışdırılır. Sonra isə rehyanları da bu qazana əlavə edib ağzını örtün ki, dəmlənsin. Soyuduqdan sonra şərbət qabına əlavə edin və qoyun soyuducuda soyusun. Buz ilə servis edin.

Nuş olsun!